सध्या सुरगाणा तालुक्यातील अनेक भागांत पाण्याचे दुर्भिक्ष्य जाणवत आहे. विशेषतः बिबट्या, कोल्हे आणि अन्य प्राणी पाण्यासाठी गावांच्या दिशेने येत असल्याने स्थानिक नागरिकांमध्ये भीतीचे वातावरण आहे. यंदा उन्हाळ्याची तीव्रता अधिक असल्याने जंगलातील नैसर्गिक झरे आणि जलस्रोत लवकरच आटण्याची भीती व्यक्त केली जात आहे.
स्थानिक वन्यप्रेमी आणि सामाजिक संघटनांनी वन विभागाकडे तातडीने कृत्रिम पाणवठे तयार करण्याची मागणी केली आहे. वन्यजीव तज्ज्ञांच्या मते, जंगलात नैसर्गिक जलस्रोत टिकवण्यासाठी मोठ्या प्रमाणावर वृक्षलागवड, पावसाच्या पाण्याचे संधारण आणि कृत्रिम जलसाठे उभारण्याची आवश्यकता आहे. जर त्वरित उपाययोजना केल्या नाहीत, तर अनेक वन्यप्राण्यांच्या अस्तित्वास धोका निर्माण होऊ शकतो.
स्थानिक नागरिकांची प्रतिक्रिया:
"सुरगाणा तालुक्यातील जंगलातील पाण्याचे स्रोत आटल्याने वन्यप्राणी पाण्याच्या शोधात गावाकडे येताना दिसत आहेत. तरीही संबंधित विभागाने तातडीने उपाययोजना करावी."
कमलाकर पवार, खडकी
वन विभागाने या समस्येकडे गांभीर्याने पाहून लवकरात लवकर उपाययोजना करण्याची गरज आहे, अन्यथा मानव-प्राणी संघर्षाची समस्या अधिकच गंभीर होऊ शकते.