ही धक्कादायक घटना नोव्हेंबर २०२२ मध्ये कुर्णोली शिवारात घडली होती. बाळू यशवंत जाधव (४२, रा. धोंडमाळ, ता. पेठ) याने पीडितेच्या आई व भावाला जिवे मारण्याची धमकी देत वेळोवेळी तिच्यावर अत्याचार केला. विशेष म्हणजे, पीडिता ही आरोपीची चुलत भाची होती. कामाच्या ठिकाणीच आरोपीने ओळखीचा गैरफायदा घेत पीडितेवर अत्याचार केले, त्यामुळे ती गर्भवती झाली आणि तिला मुलगाही झाला.
दरम्यान, आरोपीकडून पीडितेला धमक्या देण्यात येत होत्या, मात्र तिने धैर्याने पुढे येत दिंडोरी पोलिस ठाण्यात फिर्याद दिली. पोलिसांनी तातडीने गुन्हा दाखल करून ५ फेब्रुवारी २०२३ रोजी आरोपीला अटक केली. न्यायालयात दोषारोप पत्र सादर करताना सरकारी वकिलांनी ठोस पुरावे सादर केले. सर्व बाजू लक्षात घेत आरोपी बाळू जाधव याला न्यायालयाने कठोर शिक्षा ठोठावली.
या निर्णयामुळे पीडितेला न्याय मिळाला असून समाजात अशा गुन्हेगारांना धडा मिळावा, अशी प्रतिक्रिया नागरिकांमधून व्यक्त होत आहे.