जिल्हा परिषद शाळा सराड येथे दिनांक 27 जून 2025 रोजी ग्रुप ग्रामपंचायत सराड यांच्या वतीने विद्यार्थ्यांसाठी उपयोगी ठरणारे साहित्य वाटप करण्यात आले. या कार्यक्रमात शाळेतील विद्यार्थ्यांना स्पोर्ट्स ड्रेस, टेबल, खुर्च्या व कपाट यांचे वाटप करण्यात आले.
कार्यक्रमाच्या अध्यक्षस्थानी ग्रामपंचायत सराडचे सरपंच श्री. नामदेव देवराम भोये होते. यावेळी सर्व ग्रामपंचायत सदस्य, ग्रामसेवक, शाळेचे मुख्याध्यापक, व इतर शिक्षक व शिक्षकेतर कर्मचारी उपस्थित होते.
शालेय विद्यार्थ्यांना या उपक्रमामुळे शैक्षणिक व सहशालेय उपक्रमात अधिक चांगला सहभाग घेण्यासाठी प्रोत्साहन मिळणार आहे. गावकऱ्यांनीही या उपक्रमाचे स्वागत करत ग्रामपंचायतीचे आभार मानले.