कार्यक्रमाच्या अध्यक्षपदी मा. संतोष कथार सर होते, तर प्रमुख पाहुणे म्हणून दीपक जाधव सर व डॉ. संदीप गोसावी सर उपस्थित होते. या समारंभात अखिल भारतीय माजी सैनिक संघाच्या विविध पदाधिकाऱ्यांसह अनेक माजी सैनिक सहभागी झाले होते. यामध्ये उपाध्यक्ष भारत नागरे, सचिव वैभव भार्गवे, सदस्य राजाराम देशमुख मेजर, चंद्रभान कळमकर मेजर, हिरामण पिंगळ मेजर, गणपत जाधव मेजर, शांताराम जाधव मेजर, गणपत कोरडे मेजर, उत्तम बुणगे मेजर, संजय खांदवे मेजर, विजय पाटील मेजर, शिवाजी निसाळ मेजर, बाजीराव ठोंबरे मेजर, दिलीप गायकवाड मेजर यांचा समावेश होता. एकूण 22 माजी सैनिक या कार्यक्रमात उपस्थित होते.
कार्यक्रमाच्या सुरुवातीला भारत खांदवे यांनी संघाच्या कार्याची माहिती दिली आणि माजी सैनिकांच्या योगदानाचे महत्त्व सांगितले.व कार्यक्रमाचा उद्देश सांगितला. त्यानंतर संतोष कथार सर यांनी अध्यक्ष म्हणून आपल्या भाषणात अखिल भारतीय माजी सैनिक संघटना व संघटनेचे कामकाज याची माहिती सांगितली.व माजी सैनिकांच्या कर्तृत्वाची गौरवगाथा सांगितली आणि त्यांना भविष्यामध्ये अधिक काम करण्याची प्रेरणा दिली.
प्रमुख पाहुणे दीपक जाधव सर व डॉ. संदीप गोसावी सर यांनी देखील आपले विचार व्यक्त केले आणि माजी सैनिक संघाच्या कार्याची प्रशंसा केली. त्यांनी भारत नागरे व वैभव भार्गवे यांना त्यांच्या नव्या कार्यभारासाठी शुभेच्छा दिल्या.
समारंभाच्या अखेरीस भारत नागरे आणि वैभव भार्गवे यांचा सत्कार करण्यात आला. त्यांच्यावर संघाने विश्वास ठेवून दिलेल्या जबाबदारीची महत्त्वाची चर्चा करण्यात आली आणि आगामी काळात संघाच्या कामकाजात आणखी सुधारणा करण्याची अपेक्षा व्यक्त केली.
कार्यक्रमाच्या अखेरीस सर्व सहभागी माजी सैनिकांनी एकमेकांशी संवाद साधला आणि संघाच्या पुढील कार्ययोजनांवर चर्चा केली.
राष्ट्रगीताने कार्यक्रमाची सांगता करण्यात आली.