कार्यक्रमाची सुरुवात दीपप्रज्वलनाने करण्यात आली. यावेळी पेसा कायदा म्हणजे काय, या कायद्यामुळे आदिवासी समाजाला कोणते अधिकार मिळाले आहेत, ग्रामसभेचे महत्त्व व स्थानिक स्वराज्य संस्थांची भूमिका याविषयी सविस्तर मार्गदर्शन करण्यात आले. शिक्षकांनी विद्यार्थ्यांना पेसा कायद्याच्या माध्यमातून आदिवासी संस्कृती, परंपरा व संसाधनांचे संरक्षण कसे करता येते याची माहिती दिली.
विद्यार्थ्यांनी पेसा कायद्यावर आधारित भाषणे, घोषवाक्ये व विचार मांडले. “ग्रामसभा हाच खरा लोकशाहीचा पाया आहे” हा संदेश यावेळी अधोरेखित करण्यात आला. कार्यक्रमाच्या शेवटी विद्यार्थ्यांना पेसा कायद्याचे पालन करण्याची व जनजागृती करण्याची शपथ देण्यात आली.
या कार्यक्रमास विद्यालयाचे प्राचार्य डी.एन.आहिरे,ए.बी.पानसरे,आर.एन.शिंदे,पी.आर.बनकर,ए.जी.सूर्यवंशी,आर.व्ही.पवार,एन.एस.जाधव,एन.ए.जाधव,एल.जे.जाधव,एस.एन.बोरसे,एस.बी.आहिरे,श्रीमती,सुमित्रा चौधरी,गौरी आहिरे,सविता सुरवंशी,यांचेसह शिक्षकवृंद, शिक्षकेतर कर्मचारी व विद्यार्थी मोठ्या संख्येने उपस्थित होते. पेसा दिन साजरा करून विद्यार्थ्यांमध्ये कायदेविषयक जागरूकता निर्माण करण्यात जनता विद्यालयाने मोलाची भूमिका बजावल्याचे मत उपस्थितांनी व्यक्त केले.