त्यानंतर विद्यार्थ्यांचे औक्षण करून विद्यार्थ्यांचा मान्यवरांच्या हस्ते गुलाबपुष्प देऊन स्वागत व नविन पाठयपुस्तक वाटप,10 वी व 12 वी मध्ये गुणानुक्रमे प्रथम तीन विद्यार्थ्यांना बक्षिस देण्यात आली.यावेळी विद्यालयाच्या मुख्याध्यापिका श्रीम.जयश्री पवार यांनी शैक्षणिक वर्षात कोणते कार्यक्रम व उपक्रम राबविण्यात येणार आहेत याविषयी माहिती सांगून विद्यार्थ्यांना नविन शैक्षणिक वर्षासाठी शुभेच्छा दिल्या. तसेच शालेय पोषण आहारात विद्यार्थ्यांना शिरा व खिचडी देण्यात आली.या कार्यक्रमाचे सूत्रसंचालन श्री.सचिन कुलकर्णी यांनी केले. यावेळी परिसरातील मोठ्या संख्येने पालक,सर्व शिक्षक-शिक्षकेत्तर कर्मचारी व विद्यार्थी उपस्थित होते.