ग्रामस्थ, शालेय विद्यार्थी, शेतकरी तसेच रुग्णांना या रस्त्यावरून प्रवास करताना अतोनात अडचणींना सामोरे जावे लागत आहे. शेतकरी शेतमाल बाजारात नेऊ शकत नाहीत, तर शेतीसाठी लागणारे खत-बी-बियाणे आणण्यातही अडचण निर्माण झाली आहे. रुग्णांना वेळेत दवाखान्यात पोहोचविणे हे मोठे आव्हान ठरत असून, कधीही गंभीर अपघात होऊ शकतो, अशी भीती नागरिक व्यक्त करत आहेत.
मागील तीन-चार वर्षांपासून रस्ता दुरुस्तीचा प्रश्न कायम असून, ग्रामस्थांनी अनेक वेळा निवेदनं दिली, तक्रारी नोंदवल्या, तरीही संबंधित विभागाने अद्याप ठोस उपाययोजना केलेली नाही. परिणामी नागरिकांनी वर्गणी व श्रमदानातून दगड-खडी टाकून तात्पुरती दुरुस्ती करण्याचा प्रयत्न केला, मात्र मुसळधार पावसामुळे हे प्रयत्न निष्फळ ठरत आहेत.
प्रतिक्रिया:-
आमचा शेतमाल बाजारात कसा न्यायचा हा प्रश्न आम्हास पडला आहे. शेतीसाठी लागणारे साहित्य आणण्यासाठी सुद्धा वाहनधारक तयार होत नाहीत.
- दौलत बोबले
शेतकरी
पावसाळ्यात मुलांना शाळेत जाण्यासाठी या रस्त्यावरून चालणे धोकादायक ठरत आहे. याकडे स्थानिक प्रशासन व लोकप्रतिनिधी यांनी त्वरित दखल घ्यावी
- खंडू चौधरी
पालक
आम्ही स्वतः वर्गणी करून व श्रमदानातून दगड-खडी टाकली, पण ती उपाययोजना तात्पुरत्या । स्वरूपाची आहे. प्रशासनाने याकडे तातडीने लक्ष घालावे व येणाऱ्या उन्हाळ्यामध्ये पक्का रस्ता बनवून द्यावा.
- चंदर चव्हाण
नागरिक