यावेळी दिंडोरी पंचायत समितीच्या गणाचे आरक्षण जाहीर करण्यासाठी तहसिलदार मुकेश कांबळे हे उपस्थित होते. दिंडोरी - पेठ उपविभागीय अधिकारी डॉ. आप्पासाहेब शिंदे हे निरीक्षक म्हणून उपस्थित होते. यावेळी सुरवातीला वणी गटातील लखमापूर गण हा लोकसंख्येनुसार अनुसूचित जाती आरक्षित करण्यात आला. त्यानंतर अनुसूचित जमातीचे 7 गण जाहीर करण्यात आले. त्यानंतर ओबीसी 3 गण तर सर्वसाधारण 1 गण जाहीर करण्यात आला. अनुसूचित जमाती आरक्षण जाहीर झाल्यानंतर 7 गणांपैकी 4 गण महिला राखीव करण्यात आले तर 3 गण अनुसूचित जमाती सर्वसाधारण जाहीर करण्यात आले. तसेच ओबीसी 3 गणांपैकी दोन गण ओबीसी महिला व एक ओबीसी सर्वसाधारण गण जाहीर करण्यात आला. यावेळी महिला व पुरुष आरक्षणासाठी चिठ्ठ्या बनवून लहान मुलाच्या हस्ते काढण्यात आले. त्यामुळे यावर कोणाचीही हरकत नसल्याने तहसिलदार मुकेश कांबळे यांनी सर्वांसमोर लोकसंख्येनेनुार 12 गणांची आरक्षण जाहीर केले व त्याचे निरीक्षण दिंडोरीचे दिंडोरी - पेठ उपविभागीय अधिकारी डॉ. आप्पासाहेब शिंदे यांनी केले. 12 गणांपैकी मडकीजांब गणाऐवजी नळवाडपाडा हा नवीन गण तयार करण्यात आला आहे.
*आरक्षणाने अनेकांचा हिरमोड*
दिंडोरी पंचायत समितीचे 12 गणाचे आरक्षण झाल्यानंतर 7 गण राखीव झाले. दिंडोरी तालुक्यातील 6 जिल्हा परिषद गटाचे आरक्षणही राखीव झाल्याने इच्छुक उमेद्वारांचे हिरमोड झाले असून हे इच्छुक उमेद्वार जिल्हा परिषद निवडणूकीत कोणती भुमिका बजावणार याकडे जनतेचे लक्ष लागले आहे. तसेच जिल्हा परिषद 6 गट राखीव झाल्याने प्रत्येक पक्षाला अनुसूचित जमातीचा उमेद्वार शोधण्यासाठी प्रयत्न करावे लागणार आहे.
दिंडोरी तालुक्यातील सहा जिल्हा परिषद गटाचे आरक्षण
खेडगाव - अनुसूचित जमाती महिला
कसबे वणी- अनुसूचित जमाती
कोचरगाव - अनुसूचित जमाती
अहिवंत वाडी-अनुसूचित जमाती
उमराळे बु.- अनुसूचित जमाती
मोहाडी-अनुसूचित जमाती
दिंडोरी तालुक्यातील पंचायत समिती 12 गणाचे आरक्षण
टिटवे- अनुसूचित जमाती महिला
अहिवंत वाडी- अनुसूचित जमाती महिला
कसबे वणी- अनुसूचित जमाती
लखमापूर-अनुसूचित जाती
कोचरगाव-अनुसूचित जमाती महिला
नळवाड पाडा-अनुसूचित जमाती
उमराळे बु -अनुसूचित जमाती महिला
ननाशी-अनुसूचित जमाती
खेडगाव-ओबीसी महिला
मातेरेवाडी- ओबीसी महिला
मोहाडी- सर्वसाधारण
पालखेड बंधारा- ओबीसी