शाळेत जाणारे विद्यार्थी, रस्त्यावरून जाणारे नागरिक, दुचाकीस्वार, व्यापारी वर्ग यांना कुत्र्यांकडून लक्ष केले जात आहे. बर्याचदा कुत्रे समोर येत घाबरून वाहनधारक घसरून अपघात होतात. विशेष म्हणजे ही सर्व कुत्री एकत्र समूहाने राहतात. या समूहांनी स्वत:च्या हद्दी बनविलेल्या आहेत. एकमेकांच्या हद्दीत आलेल्या कुत्र्यांवर, माणसांवर हे समूहाने हल्ला सुरू करतात. रात्रभर एकमेकांवर कुत्री भुंकत असल्याने नागरिकांची झोप उडविण्याचे काम करतात, तर दिवसा पादचार्यांना त्रस्त करतात. सुमारे १० ते १५ कुत्री पोलीस ठाणे, ठाणगाव रस्ता, सुरगाणा रस्ता, खडकपाडा ते बिरसा मुंडा चौक ते बाजारपेठेपासून ते बाऱ्हे गावापर्यंत वावरत असल्याचे चित्र आहे. वाहनधारक, नागरिक किंवा अन्य कुत्रे दिसले की, ते अचानक हल्ला चढवितात. त्यामुळे नागरिक भयभीत झाले आहेत. कळपाने फिरणार्या मोकाट कुत्र्यांमुळे घराबाहेर पडणेही धोक्याचे झाले असल्याने प्रशासनाने मोकाट कुत्र्यांचा बंदोबस्त करावा, अशी मागणी परिसरातील नागरिकांनी केली आहे.
- बाऱ्हे परिसरात मोकाट कुत्र्यांचा उपद्रव वाढला ही वस्तुस्थिती आहे. मोकाट कुत्र्यांबाबत लवकरच प्रशासनाने उपाययोजना कराव्यात. –: रामदास देशमुख, बाऱ्हे